Swire kjøper Olympic-båt

- Det må eg vel nesten bekrefte, seier administrerande direktør Arvid Pettersen i Swire Seabed på forespørsel frå NETT NO om det er Swire som har kjøpt subseaskipet frå Olympic Ship.
Forhandlingane om kjøpet har pågått ei stund.
Det er morselskapet i Swire-konsernet, Swire Pacific Offshore i Singapore, som kjøper, men det er det norske dotterselskapet Swire Seabed i Bergen som skal operere skipet, som førebels blir det fjerde subseaskipet i Swire Seabed.
Skipet vart levert frå Kleven Verft i mars 2014. Kontraktsverdien for skipet og søsterskipet var til saman 1,2 milliardar kroner.

55 millionar dollar

Pettersen vil ikkje kommentere prisen, men i følgje ei velinformerte kjelde er den truleg mellom 50 og 55 millionar dollar.
Swire har vore på jakt etter fleire subsea-skip i lang tid, men fekk i første omgang ikkje napp hos Olympic Ship. Etterkvart som forhandlingane om ei refinansiering av selskapet drog ut endra Olympic syn, og skipet vart seld.

Sender ut melding

Swire skal overta skipet i neste veke, og då vil selskapet også sende ut ei pressemelding med meir informasjon om kva skipet skal brukast til, i følgje Pettersen.
I dag nøyer han seg med å seie at skipet skal marknadsførast til undervassoperasjonar verda over, og at det har oppdrag nesten frå første dag etter at reiarlaget tek over.
, som skriv at et nyhetsbrev frå Strategic Offshore Research, skriv at Olympic Ship er i ferd med å selge "Olympic Athene", seier finansdirektør John Arne Winsnes i Olympic at reiarlaget ikkje har nokon kommentar til salet.

Vil vekse når andre krympar

I ein annonseartikkel som Swire Seabed har publisert på nettsida Offshore.no tidlegare i år skriv selskapet at det vil vekse i tøffe tider, og søkjer fleire folk til den nyoppretta avdelinga for havbotnskartlegging.
"Swire Seabed er villig til å bygge opp og ekspandere i et marked hvor de fleste andre bygger ned" , heter det i annonseartikkelen.

Om Swire Seabed er ferdig med oppbygginga med kjøpet av "Olympic Athene" vil Pettersen ikkje kommentere i dag.

Forhandlar vidare

Olympic Ship har i heile haust forhandla med kreditorane om ei refinansiering av selskapet.
Reiarlaget har ein avtale om at det ikkje betaler avdrag i påvente av ei løysing. Avtalen har stadig blitt forlenga. og den førebels siste fristen går ut i dag. Etter det NETT NO har grunn til å tru kjem avtalen til å bli ytterlegare forlenga og forhandlingane halde fram.