Offshorereiarlaget frå Ålesund forklarar den låge utnyttinga med at plattformforsyningsskipet Golden Duchess vart utsett for eit samanstøyt medan skipet låg fortøya i skotske Aberdeen.
Det medførte 24 dagar på verkstad for å utbetre kostnader til kring 2,3 millionar kroner, går det fram av rapporten. Uhellet førte i tillegg til tap av inntekter, og reiarlaget har sett fram krav i samband med hendinga.
Les også
Nytt underskot
Sjølv om aktiviteten har vore låg i 4. kvartal for skipa, var ratane
betydeleg betre enn tidlegare. Skipa segla inn 138,5 millionar i fjor,
medan rekneskapsåret enda med tap på 59 millionar kroner før skatt (sjå tabell under)
Reiarlaget meiner framleis auka aktivitet og etterspurnad, vil betre lønnsemda og verdiane i selskapet.
Etter at Energy Scout er selt og overlatt til ny eigar i førre månad, har Golden Energy-reiarlaget tre PSV-ar att i flåten.
Les også
Starta året bra
I ei marknadsoppdatering for januar skriv at flåteutnyttinga i årets
første månad var på heile 98,7 prosent. Inntektene låg i snitt på 13.700
dollar – eller kring 140.000 kroner dagen.
Energy Swan er på oppdrag for Repsol, medan Energy Empress er på kontrakt i Karibia og Energy Duchess er i spotmarknaden med høg utnytting, sjølv om ratane reflekterer at det er vinter i Nordsjøen.
Marknaden held fram å betre seg i fleire regionar, og Energy Duchess er attraktivt for fleire oppdrag, skriv reiarlaget i meldinga.
| Golden Energy Offshore Services | ||
| Per 4. kvartal i mill. kroner | 2022 | 2021 |
| Driftsinntekt | 138,5 | 71,2 |
| Driftsresultat | 69,2 | -37,7 |
| Resultat før skatt | -59,2 | -63 |
| Golden Energy Offshore Services | ||
| 4. kvartal i mill. kroner | 2022 | 2021 |
| Driftsinntekt | 25,5 | 23,9 |
| Driftsresultat | -26,2 | -4,4 |
| Resultat før skatt | -9,7 | -16,5 |
Publisert: 21.02.2023 05:00
Sist oppdatert: 21.02.2023 00:12
