Til NM med fiskesluk

Ungdomsbedrifta ReBait frå Ålesund videregående skole har utvikla den første prototypen av ein fiskesluk, der slukskeia er basert på kverna og samanpressa fiskemjøl.

Bak bedrifta står Anna-Linn Rødseth, Johanne Eldøy, Natalie Sandvik, Hana Slinning, Sofie Bjerkevoll. Som Årets Ungdomsbedrift i Møre og Romnsdal skal dei også delta i NM for ungdomsbedrifter i vår. 

• Sjå alle vinnarane under

Ideen er først og fremst retta mot sports- og hobbyfiskarar. Med ReBait sin fiskesluk treng dei ikkje lenger å ha dårleg samvet for å etterlate seg metall som forureining, dersom sluken skulle sette seg fast i botnen. 

Rebait sin sluk skal etterkvart løyse seg opp i vatnet.

Prisdryss
I tillegg til å bli kåra til Årets Ungdomsbedrift, vann Rebait Innovasjonsprisen og Bærekraftprisen.

Standen til bedrifta vart kåra til den nest beste under arrangementet, og bedrifta vart rangert som den tredje beste i kategorien Beste Team.

52 bedrifter
Ungt Entreprenøskap er ein organisasjon som arbeider for å stimulere til innovasjon og gründerskap i skulen, både i ungdomsskulen, i vidaregåande skule og på universitet og høgskular

Onsdagens arrangement er retta mot elevane på vidaregåande skular.

52 elevbedrifter ved dei fleste vidaregåande skulane i Møre og Romsdal var med i konkurransen i ei rekkje kategoriar.

• Sjå alle vinnarane under