Tresifra millionstøtte frå EU

EU gir Norwegian Hydrogen-selskapet Virion 106 millionar kroner i støtte for å bygge tre fyllestasjoner for hydrogen i Danmark og fire i Finland. Det skriv Norwegian Hydrogen i ei pressemelding.

Merkevare- og berekraftsdirektør Marielle Furnes Mannseth i Norwegian Hydrogen seier selskapet må bidra med minst like sjølv for å finansiere bygginga av dei sju fyllestasjonane.

Stasjonane skal byggast for store lastebilar som skal bruke hydrogen som energiberar i staden for diesel.

Virion er ein av fleire støttemottakarar. Tilsaman tildeler EU støtte til bygging av i alt 48 fyllestasjonar,

Tresifra millionstøtte for andre gang
Dagens tildeling er andre gang Norwegian Hydrogen får tresifra millionstøtte frå EU i år.

I mars tildelte EU støtte til bygging av ein fabrikk i Hirtshals som skal produsere hydrogen ved å spalte vatn i hydrogen og oksygen. Det skal gjerast ved elektrolyse, med vindkraftanlegg i nærleiken som hovudforsyningskjelde av elektrisitet.

Målet er å levere minst 500 tonn hydrogen årleg.

Bygge marknad
Norwegian Hydrogen i Ålesund er etablert for å bygge og drive hydrogenproduksjonsfabrikkar og infrastrukur for at hydrogen skal bli tatt i bruk som energiberar.

Ved å reversere spalting i ei brenselcelle blir det frigjort energi, som for eksempel kan brukast til å drive lastebilar og skip. Så lenge krafta til å lage hydrogenet kjem frå atomkraft, eller fornybare energikjelder, er hydrogen ein energiberar som er CO2-utsleppsfri.

På eigarsida er Flakk-familien, Roger Hofseth og Tafjord Kraft i Ålesund og det japanske industrikonsernet Mitsui.