Trollbryggeriet til sals

Styreleiar Kjartan Lied og dagleg leiar Jørund Ringset grunnla Trollbryggeriet i Liabygda i 2009, allereie før boomen for små lokale bryggeri kom. 

Sidan har dei drive det største og mest innarbeidde ølbryggeriet på Nordvestlandet.

No når dei pensjonsalderen, har dei starta ein prosess for å finne nye eigarar av selskapet, fortel Kjartan Lied til Nett No. 

Selskapet som er hyra inn for stå for salet, kjem til å sjå både mot norske og utanlandske kjøparar, seier han.

Servering og bryggeri
Trollbryggeriet vart gjort til aksjeselskap i 2011. I 2016 fekk selskapet eit nytt bryggerianlegg og opna samstundes selskap- og serveringslokalet Trollstova, som held til i same bygg som bryggeriet i Liabygda.

I 2023 omsette selskapet for 3,7 millionar kroner og fekk eit resultat før skatt på minus 0,2 millionar kroner.

Planen er å selje selskapet samla med både bygg og anlegg. Som ein del av salsprosessen skal selskapet først kjøpe ut den bygsla tomta bygget står på, og ventar no på å få gjennomført dei naudsynte formalitetane hos kommunen i samband med tomtekjøpet.

Avskaling
Samanlikna med då bryggeribølgja var på sitt høgaste har det vore ei avskaling i bryggeribransjen på Nordvestlandet.

Grim & Gryt Økobryggeri på Hareid gjekk konkurs i 2017, Baatbryggeriet på Vestnes la ned i 2022 og Tonga Gradsbryggeri la ned i 2023.

Tonga Gardsbryggeri selde imidlertid  utstyret sitt til Valldal Safteri som start bryggeri i Valldal i fjor.