Rekordoppslutning om ungdomsbedrifter

Fillip Berge Sæbø og medelevane i Eco-Net Ungdomsbedrift på naturbruklina på Stranda Vidaregåande skule satsar på å gå til topps i årets fylkesmeisterskap for ungdomsbedrifter, med ein ide som skal redusere det såkalla spøkelsesfisket.

Spøkelsesfiske er namnet når garn og teiner går tapt i havet og held fram med å fange fisk og sjødyr, til inga nytte. 

Ideen til Eco-Net er å feste ei oppblåsbar blåse til utstyret. Bøya bles seg opp etter ei viss tid, flyt opp asamstundes som ein sendar blir utløyst. Den varslar om posisjonen slik at utstyret kan finnast att og takast med til land.

Med Eco-Net Ungdomsbedrift konkurrere Berge Sæbø og hans fire partnarar med 60 andre ungdomsbedriftere om prisar under fylkesfinalen på NMK i Ålesund i dag. Fire av bedriftene får sjansen til å bli med i den nasjonale finalen seinare i år.

Rekordoppslutning
Oppslutninga om ungdomsbedrifter frå elevane på vidaregåande skule har aldri vore større enn i 2024/2025-sesongen, fortel dagleg leiar Lars Øyvind Baltzersen i Ungt Entreprenørskap Møre og Romsdal.

Organisasjonen jobbar for å skape interesse og gi kunnskap om å utvikle ideear, starte og drive eiga bedrift, mellom anna ved at elevane på vidaregåande skule får stifte og drive eigne ungdomsbedrifter.

I denne sesongen har i alt 654 elevar, frå nesten alle vidaregåande skulane i Møre og Romsdal, vore med på opplegget.

Bak dei 61 ungdomsbedriftene som deltek i fylkesfinalen står det cirka 350 elevar.

Studentar og ungdomsskuleelevar
Ung Enterprenørskap arbeider også med ungdomskuleelevar og studentar, etter same opplegg som blir brukt for elevar på vidaregåande skular.

Bedriftene for ungdomsskuleelevar blir kalla elevbedrifter, bedriften for høgskule- og universitetsstudentar studentbedrifter.

Det er snakk om bedrifter i juridisk forstand, men som tek på seg avgrensa økonomiske forpliktingar og blir oppløyst etter at Ungt Entreprenøsskao-prosjektet er over. Nokre elevar og studentar vel å vidareføre ideen som, men då må det gjerast ved at ungdomsbedrifta blrir omdanna til eit vanleg aksjeselskap.