Ungdomsbedrift til topps med livbøye

SeaU frå Molde vidaregående skole er vinnar av den gjevaste prisen under fylkesmeisterskapen for ungdomsbedrifter i Møre og Romsdal: Beste ungdomsbedrift.

Det gir billett til norgesmeisterskapen for ungdomsbedrifter i april i år.

Planen er å gjere bedrifta om til eit vanleg aksjeselskap og arbeide vidare med ideen etter at skulen er over.

– Vi har ambisjonar om å ta bedrifta vidare, seier dagleg leiar Sandra Saengdee Hjelvik i SeaU ungdomsbedrift.

Med seg til NM får Seau også ungdomsbedrifta Lamo Seafood frå Ålesund vidaregåande skole, som vann innovasjonsprisen. 

• Sjå oversikt over prisvinnarar i slutten av artikkelen

Lamo Seafood lagar snacks for hundar, basert på svinn frå kllippfiskindustrien.

Rekordoppslutning
I denne sesongen har i alt 654 elevar, frå nesten alle vidaregåande skulane i Møre og Romsdal, vore med på organisasjonen Ungt Enterprenørskap sitt arrangement. Det er ny rekord.

Bak dei 68 ungdomsbedriftene som deltok i fylkesfinalen onsdag står det cirka 360 elevar.

Ungt Entreprenørskap jobbar for å skape interesse og gi kunnskap om å utvikle ideear, starte og drive eiga bedrift, mellom anna ved at elevane på vidaregåande skule får stifte og drive eigne ungdomsbedrifter.

Fire frå Møre og Romsdal til NM
I tillegg til beste ungdomsbedrift og vinnaren av innovasjonsprisen, har juryen på fylkemeisterskapen for ungdomsbedrifter vald ut to bedrifter til som skal vere med i den nasjonale finalen.

Det er bedriftene Hindeer med varslingssystem mot viltpåkjørsel og Radius med utstyr for å forhindre bifangst av hai. Både Hindeer og Radius er frå Molde videregående skole.