Utflating for Trollbryggeriet

Trollbryggeriet i Liabygda på Stranda omfattar både sjølve bryggeriet og eit eige selskapslokale, Trollstova, som blir leigd ut eller brukt til eigne arrangement.

Før pandemien vann selskapet innpass også i turistmarknaden med Trollstova, og den marknaden er no i ferd med å kome attende, ifølgje dagleg leiar Jørund Ringset. Ringset eig Trollbryggeriet saman med Kjartan Lied.

Trollbryggeriet leverer både til daglegvaremarknaden og til. Vinmonopolet. I år kjem bryggeriet med sin første variant som har fått innpass i basisutvalet i Vinmonopolet.

Å vere med i basisutvalet betyr at ølet blir tilgjengeleg i alle polutsal landet over. Dei andre ølsortane frå Trollbryggeriet hos Vinmonopolet har det vore opp til kvart einskild pol å ta inn.