Vard bekreftar milliardkontrakt

Vard opplyser at den eine milliardkontrakten som blei meldt på slutten av 2023, var med det svenske selskapet NKT HV Cables.

Skroget til skipet skal byggjast ved Vard Tulcea i Romania. Skipet skal bli utrusta ved eit av Vard sine norske verft.

Kontraktsverdien er på 200-250 millionar euro - eller kring 2,3 til 2,9 milliardar norske kroner.

Det er truleg mellom dei mest kostbare skipa Vard-konsernet har hatt i ordrebøkene nokon gong.

Skal leverast i slutten av 2026
NKT HV Cables lagar og installerar komplette løsninger for strømkabler og har hovudkontor i Karlskrona i Sverige. Dei er del av det danske NKT-selskapet som er børsnotert på København-børsen.

Roy Arne Stavik i sals- og marknadsavdelinga til Vard uttaler i meldinga at Vard har etablert seg som den leiande leverandøren i marknaden for kabelskip.

Konsernet ventar å levere skipet til avtalt tid i fjerde kvartal 2026. Skipet blir designa av det norske selskapet Salt Ship Design.

Tre milliardkontraktar på ti dagar
I desember melde verftskonsernet om heile tre milliardkontraktar på nybygg. Eit kabeleggingsfartøy og eitt kombinert kabellegging- og konstruksjonsskip.

Det var også den fjerde avtalen om å bygge eit slike type skip, som kom inn i ordreboka i løpet av 2023.

Dermed sikra norske skipsverft seg nye oppdrag for nær 20 milliardar kroner i fjor. Det er langt over nivået i 2022 - då dei fekk nye oppdrag for kring 10 milliardar.