Vard-eigar aukar lønsemda

Det er forretningsområdet skipsbygging i Fincantieri som står for auken i lønsemda i første kvartal, som det går fram av tabellen i slutten av artikkelen. 

Det italienske skipsbyggingsselskapet Fincantieri eig mellom anna Vard, som driv tre skipsverft på Nordvestlandet. 

Per i dag er det Fincantieri-verfta som utgjer forretningsområdet skipsbygging i konsernet, og det er altså der lønsemda betrar seg i første kvartal i år.

Forretningsområdet offshore og spesialskip er ei reindyrka Vard-verksemd. Det omfattar alt frå fiskebåtar og marinefartøy, til offshorefartøy og vindkraftindustrien.

Les børsmelding frå Fincantieri her

Ventar vekst
Inntektsveksten i første kvartal styrkar Fincantieri i trua på vidare vekst i selskapa sine hovudmarknadar, skriv selskapet i kvartalsrapporten. 

Drivkreftene bak veksten er ei god utvikling for cruisemarknaden, vekst i forsvarsinvesteringane og auka etterspørsel etter energiressursar til havs, ifølgje selskapet. 

Både vekst i forsvarsinvesteringane og auka etterspørsel etter energiressursar  til havs - som er olje/gass og vind - kjem og kan kome også Vard til gode. 

Vard  er spesialist på offshorefartøy til olje- og vindkraftbransjen og vil også konkurrere om å bygge skip til det norske forsvaret. Det kan også kome til å betyr at Vard skal bygge fregattar, dersom Noreg vel å bygge same type fregattar som USA har bestilt hos Fincantieri.