Innblanda i tredje konkurs på under eitt år

Sunnmøre tingrett opna torsdag konkurs etter at det blei meld oppbod i selskapet Autosenteret Stranda. Det var tredje gong retten starta behandling av ei konkurssak der ein mann i 60 åra har vore involvert.
Mannen har allereie konkurskarantene fram til mai 2022, som følgje av den første konkursen i februar.
Bustyrar Christian Garmann fortel til NETT NO at han har snakka med innehavaren, og fått opplyst at det ikkje har vore drift ved bensinstasjonen på ei tid.

Ulovleg lån

I årsrapporten frå 2019 går det fram at dagleg leiar har eit lån i selskapet på drygt 800.000 kroner som er ulovleg etter aksjelova. Selskapet har ikkje fri eigenkapital til dette, og det er ikkje stilt sikkerheit for lånet, påpeiker revisor.
– Vi vil sjå på korleis drifta er avvikla, mellom anna ved å sjå på dei transaksjonane som er gjort, og om kreditorane er behandla skikkeleg, seier Garmann.
– Mellom anna dette ulovlege lånet er det naturleg å undersøke som bustyrar, legg han til.

Rekna med avvikling

I årsrapporten går det også fram at selskapet ikkje lengre hadde nokon franchiseavtale med Cirkle K. frå september i haust.
De rekneskapen blei levert i slutten av september, var lokalet i ferd med å bli rydda og det var venta at selskapet blir avvikla i løpet av året.
Dei siste ti åra har bensinstasjonselskapet hatt ei omsetning på kring ti millionar årleg, og driftsresultat som har gått om lag i balanse.

Involvert i restaurantselskap

Mannen i 60-åra var også involvert i Oliven Restaurant & Vinhus, som dreiv restaurant i leigde lokale i Storgata, men blei tvangsoppløyst tidlegare i år.
Bustyraren her , verken bilag eller arbeidskontraktar eller lønnsutbetalingar - og konkluderer med at det truleg ikkje var ført rekneskap overhovudet.
Bustyraren meinte mannen var den reelle eigaren av restaurantselskapet, men skal likevel ikkje ha hatt noko med drifta å gjere. Drivaren av restauranten skal ha reist på ferie i fjor, og bustyraren var ikkje i stand til å få tak på ham.

Les også: