ANALYSEDof Subsea har børsnoterte DOF ASA som største eigar. Selskapet har ein flåte på 27 skip; konstruksjonsskip, skip for undervassoperasjonar og rørlegging. Det er den delen av bransjen med dei mest kostbare skipa og der analytikarane er mest positive - eller minst negative, alt etter som ein ser det. Selskapet hadde 1,8 milliardar kroner i driftsinntekter og minus 96 millionar kroner i resultat før skatt første halvår. Selskapet hadde ein milliard kroner i kontantar tilgjengleg ved utløpet av første halvår, ei langsiktig gjeld på 7,8 milliardar kroner og ein bokført eigenkapitalen 6,2 milliardar.Selskapet vil låne mellom 800 millionar og ein milliard kroner i obligasjonsmarknaden fram til november 2023. Lånet skal brukast dels til å betale ned på eit eldre obligasjonslån på 508 millionar kroner som forfell til betaling i mars 2020.Det nye lånet skal børsnoterast. I dag er det oppsiktvekkande at ein offshorereiarlag går ut i obligasjonsmarknaden for å finansiere seg. For få år sidan var det oppsiktsvekkande om offshorereiarlag ikkje brukte obligasjonsmarknaden.- For Farstad Shipping har obligasjonslån blitt eit viktig supplement til banksystemet, sa dåverande finansdirektør Torstein Stavseng i dåverande Farstad Shipping til NETT NO i november 2013. I mai same år var eit obligasjonslån til Farstad Shipping på ein milliard kroner kroner blitt fullteikna i løpet av få timar.Og Farstad Shipping var ikke åleine. Oppsummeringa NETT NO gjorde like etter at NETT NO starta publisering i november 2013 viste at seks reiarlag på Nordvestlandet då hadde 7,2 milliardar kroner i obligasjonslån.Hausten 2013 var låneboomen for oljebransjen i obligasjonsmarknaden langt frå over.Då Nordea Markets oppsummerte status tidleg i 2016 konkluderte banken med at norske olje- og oljeservice-selskaper hadde 130 milliardar kroner i obligasjonsgjeld. Eit typisk obligasjonslån har ei avtalt rente - høgare dess større risikoen er - og ein avtalt dato for tilbakebetaling. Er det snakk om eit større lån er det gjerne også børsnotert slik at investorane kan selje seg ut av lånet før det skal tilbakebetalast. Når nokon kan selje seg ut kan andre kjøpe seg inn. Kan ikkje låntakarane betale attende ved forfall får obligasjonseigarane plass ved bordet når låntakaren må forhandle om refinansiering.Det var nettopp gjennom kjøp i ein Rem Offshore-obligasjon Aker fekk makt til å stoppe Åge Remøy si framlegg til refinansiering av Rem Offshore og tvinge fram at selskapet heller blei ein del av Solstad Offshore.Etter oljeprisfallet i 2014 tørka obligasjonsmarknaden raskt inn for offshorereiarane. Døra blei stengt for å refinansiere seg ved å ta opp nye obligasjonslån og investorar i låna selde seg ut med tap.Obligasjonsmarknaden har langt på veg vore eit ikkje-eksisterande finansieringsalternativ i fleire år. DOF Subsea er ei einsleg svale. Selskapet gjekk også i fjor ut i marknaden og lånte inn 175 millionar dollar, cirka 1,4 milliardar kroner. Sist fredag var det obligasjonslånet verdsett til 99,25 prosent av pålydande, ei verdsetting som viser at investorane i marknaden reknar med at selskapet klarer å betale attende ved forfall i 2022.Men Dof Subsea er unntaket.Inntil vidare er selskapet truleg og i ei særstilling. I beste fall er det eit fåtal selskap som vil lukkast med å legge ut obligasjonlån dei første eitt til to åra.SolstadFarstad har allereie bedt om nye forhandlingar med kreditorane og også andre er venta å måtte ta ein nye refinansieringsrunde. Det er først når den runden er unnagjort at det er sannsynleg at offshorereiarlaga på ny kan vende seg mot obligasjonmarknaden.Om dei også vil er ei anna sak. Det er ikkje sikkert at å ha obligasjonseigarane rundt bordet i refinansieringsforhandlingane har gitt meirsmak.