ANALYSEDen internasjonale forskarkonferansen i Ålesund denne veka var ei fjør i hatten for miljøet i klyngesamarbeidet Legasea, som organiserer dei biomarine bedriftene - som har sitt nasjonale tyngdepunkt i denne regionen.HKH Kronprins Haakon og HKH Kronprinsesse Mette-Marit kasta glans over opninga, men viktigare er truleg at store internasjonale matvareprodusentar som Kelloggs, Ferrero Group, General Mills og Lucozade Ribena Suntory hadde sendt folk til konferansen. Dette er bedrifter med kjende varemerke som Kelloggs Corn Flakes, Nutella, Häagen Dazs og Orangina i sortimentet.Tema for konferansen var status for forskinga på fiskeprotein og peptidar (som er bestanddelar i protein). Næringa har store forventingar til at produkt basert på fiskeprotein har ei rekkje gode helseeffektar, og dermed vil bli eit ettertrakta tilsetningstoff i mat og drikke.Men forventingar er ikkje nok. Eventuelle helseeffektar må dokumenterast, nøyaktig kva deler av proteinet som gir verknaden ein ønskjer må kartleggast og produksjonsmetodar må utviklast.Dette er eit tidkrevande arbeid, og det forskingsprosjektet Legasea-bedriftene no har sett i gang blir truleg berre ein del av arbeidet som må gjerast. Eit anna prosjekt, som Universitetet i Bergen er pådrivar for, går ut på å dyrke algar fulle av omega3, og viser kor tidkrevande det kan vere å utvikle forskingsbasert produksjon og bedrifter. Omega3 er ein knapp faktor i produksjonen av fiskefôr til oppdrettsnæringa, og lukkast det å dyrke den fram i marine algar så vil det bli eit stort gjennombrot for næringa.. Opphavleg var målet å kome i gang i 2013. Då var det allereie arbeidd med prosjektet ei stund. Og først ut på 2020-talet reknar initiativtakarane med at det er klart for bygging av eit produksjonsanlegg i full skala. Og om forskinga på marine fiskeprotein og -peptider gir dei resultata næringa håpar på, er næringa likevel ikkje i mål.- Det er ikkje noko poeng å ha storarta produkt om du ikkje har ein marknad, seier Vinita Bali, leiar for organisasjonen Gain til NETT NO.Gain () er ein internasjonal organisasjon som arbeider for å redusere under- og feilernæring, og Bali var invitert til å halde opningsforedraget på konferansen. Sjømat, både frå fangst og oppdrett, har eit stort potensiale i arbeidet for å redusere under- og feilernæring, meiner Bali. Det gjeld både direkte som mat, men og som råstoff for helsefremjande ingrediensar som kan tilsetjast mat og drikke.Bali, som mellom anna har arbeidd som marknadsdirektør i Coca-Cola og leia det indiske matvareselskapet , ser det som avgjerande for bedriftene i den maritime klynga å nå ut til forbrukarane. Men desse bedriftene er først og fremst retta inn mot å vere underleverandørar. Det gjeld delvis for omega3-produkt, og i enno større grad for protein- og peptidprodukt.For dei biomarine bedriftene blir det viktig å kunne overtyde selskap som Kelloggs, Ferrero Group, General Mills og Lucozade Ribena Suntory om at deira produkt kan brukast som tilsetningstoff, og skape ekstra verdi ved å gjere produkta sunnare.Så langt er Bali lite imponert over dei internasjonale mat- og drikkevaregigantane si rolle i arbeidet mot feil- og underernæring. Dei tek ikkje ansvaret i dag, slik ho ser det.Men det kan endre seg. Matvareindustrien kjem til å bli pålagt restriksjonar, spesielt når det gjeld sukkerbruken, akkurat slik tobakksindustrien blei. Fleire av dei store bedriftene er også på leit etter sunnare alternativ i vareutvalet sitt. Det viser mellom anna deltakinga på konferansen i Ålesund.Bali meiner store matvareselskap vil spele ei nøkkelrolle for å få produkta frå dei biomarine bedriftene ut i marknaden. Det er desse som må overtydast, og det tek også tid.Og tid er pengar. Du skal overleve medan du utviklar produkta og du skal overleve fram til då du har fått dei ut i marknaden. Det gir ein fordel til bedrifter som Epax og Firmenich Bjørge Biomarin som har høvesvis FMC og Firmenich-konsernet i ryggen. Er viljen til å satse der, er midlane der også, og desse bedriftene har ei tyngde som gjer det lettare å få dei store matvareprodusentane til å lytte.Det er tida og tyngda som skal til som er utfordrande for dei mindre bedriftene i bransjen, og som Legasea-samarbeidet prøver å bidra til å lette ved at heile bransjen dreg lasset saman. I så måte er protein- og peptidsatsinga ein prøvestein for Legasea-klynga, som har ambisjonar om å rykke opp frå Arena-prosjekt til Norwegian Center of Expertice-status.Det vil gi større prestisje og meir pengar, men det er suksessen med protein-og peptidsatsinga som vil vere den store gullmedaljen for klyngesamarbeidet.