ANALYSEDå Rolls-Royce i vinter varsla at selskapet såg etter kjøparar til marinedivisjonen sin, vart Kongsberggruppen straks nemnd som sjølve draumekandidaten sett frå Nordvestlandet si side. Norsk, med staten som medeigar, og med produkt som i liten grad er i direkte konkurranse med det Rolls-Royce Marine og resten av marinedivisjonen lagar.Med Kongsberggruppen som kjøpar ligg det ikkje an til å hente ut gevinstar ved å slå saman konkurrerande anlegg og fabrikkar, rett og slett fordi det ikkje er fabrikkar og anlegg i direkte konkurranse i dei to selskapa.Lista over korleis Kongsberggruppen skal auke lønsemda i marindedivisjonen er heller ikkje avskrekkande sett frå Nordvestlandet;Samordne nettverk av servicestasjonar rundt om i verda.Samordne administrasjon.Samordne produktportefølje.Samordne arbeidet med forsking og utvikling.Det er dessutan to omlag jamnstore grupperingar som skal smelte saman. Kongsberg Maritime, som er dotterselskapet der marinedivisjonen til Rolls-Royce skal inn, har cirka 3800 tilsette, marinedivisjonen i Rolls-Royce cirka 3600, cirka 1600 av dei på Nordvestlandet. Cirka 500 jobbar i Finland og 200 i Sverige.Kongsberg Evotec i Ulsteinvik er i dag fotfestet Kongsberggruppen har på Nordvestlandet, og truleg det klaraste dømet på verksemd i Kongsberggruppen som er i direkte konkurranse med det Rolls-Royce driv med.Dei to har til og med møttes i retten i ein strid om kven som eigde rettane til produkt i seismikkmarknaden.Men i det store biletet er det småtteri. Kongsberggruppen og marinedivisjonen driv med nært beslekta ting, men ikkje med det same.Difor er det ikkje rart Kongsberggruppen har vore interessert i marinedivisjonen til Rolls-Royce i mange år. Gjennom kjøpet får selskapet innpass i ein marknad der selskapet ikkje er, samstundes som dei to selskapa utfyller kvarandre på ein måte som gir Kongsberggruppen langt større slagkraft i marknaden enn dei to selskapa har hatt kvar for seg.Det er ikkje kjent kven som konkurrerte med Kongsberggruppen om å overta marinedivisjonen til Rolls-Royce. Men det er kjent at det var fleire, og det må også bety utanlandske.Ein utanlandsk kjøpar aukar sjansen for utflytting av teknologi og kompetansen, spesielt om det hadde vore ein industriell investor som kunne innlemme marinedivisjonen i eiga verksemd.Medan Kongsberggruppen var draumescenariet, var finske Wärtsila skrekkscenariet. Grunnen er blant anna at selskapet er ein direkte konkurrent på fleire felt, har hovudkontor i Finland og ikkje minst . Det er eit område både Rolls-Royce Marine og Kongsberggruppen og satsar på.Med Wärtsila kunne fort både jobbar og ei viktig teknologisatsing hamne i Finland. Difor var det og ein god porsjon lettelse blanda inn i gleda i går.At meldinga om kjøpet praktisk talt ikkje slo ut i kursendringar for Rolls-Royce-aksjen, viser berre at Rolls-Royce har fått omlag den prisen for marinedivisjonen, cirka 5,2 milliardar kroner, som aktørane i marknaden hadde venta seg.Då Rolls-Royce i januar varsla eit mogleg sal av marinedivisjonen, steig kursen med over seks prosent. For Kongsberg-aksjen gav fredagens børsmelding om kjøpet eit kursfall på 6,67 prosent. Det kan tyde på ein viss skepsis til at Kongsberg overtek marinedivisjonen, men skuldast før og fremst at Kongsberggruppen vil hente inn fem milliardar i ny eigenkapital for å finansiere kjøpet.Dei som ikkje vil vere med på å skyte inn meir pengar må dermed finne seg i å få redusert sin eigarandel i selskapet. Kongsberggruppen er verdsett til 19,5 milliardar kroner på børsen.Blant investorane som går inn er staten, som med akkurat over 50 prosent eigarskap går inn med 2,5 milliardar kroner. For å unngå å bli kraftig utvatna, eller stoppe heile kjøpet, hadde regjeringa ikkje anna val enn å seie ja til å bli med. Motforestillingane var neppe sterke, dette er truleg eit vedtak det er stemmer å hente på.Les kva NETT NO har skrive om salet av marinedivisjonen under Relaterte saker.