13. året med tap på Ørskogfjellet

Ørskogfjellet Skisenter As hadde eit nytt år med minustal i rekneskapen, viser årsmeldinga for 2023.

Inntektene var dei beste sidan 2018-rekneskapen med 215.000 kroner. Resultat før skatt vart minus 146.000 kroner, som er nokre titusenar lågare enn året før (sjå tabell under).

Selskapet som er eigd av Ørskogfjell skilag, har gått i minus dei 13 siste åra, og 2010 var førre år med overskot.

Selskapet, som ikkje har tilsette, hadde framleis ein bokført eigenkapital drygt 1,3 millionar kroner ved utløpet av året.

I år stengde senteret heisen 30. mars, ifølgje ei melding på nettsida deira.