Aker Horizon blir slått saman med Aker

(NPK-NTB): Aker Horizon går saman med morselskapet Aker. Det grøne investeringsselskapet har slite dei siste åra. – Eg kjenner meg dum, seier Aker-eigar Kjell Inge Røkke.

– Aker tek ansvar for Aker Horizons. Vi vart overambisiøse og gjekk fram for raskt. Vi anerkjenner feila som vart gjort og lærer av dei. Som eit resultat av dette tek Aker, som største aksjonær og kreditor, kontroll over Aker Horizons drift, skriv Aker-eigar Kjell Inge Røkke i eit brev til aksjonærane.

– Når det gjeld Aker Horizons kjenner vi oss dumme – og eg personleg kjenner meg dum. Kjøpet av MRP var ein feil. At mange andre grøne selskap også har møtt liknande utfordringar, er inga unnskyldning, skriv han.

(©NPK)