Anders Riise geiranger Foto Per Kristian Bratteng Møre og Romsdal fylkeskommune
SA NEI: Fylkesordførar Anders Riise (H) ville ikkje handsame eit forslag om å låne pengar til å sikre Trollstigen. Foto: Per Kristian Bratteng/Møre og Romsdal fylkeskommune
Kort fortalt

Avviste strakstiltak for Trollstigen

– Regjeringa må sjå alvoret, seier fylkesordføraren.

24.06.2024

Fylkesordførar Anders Riise (H) avviste å behandle eit forslag frå Frp om å løyve 50 millionar kroner til strakstiltak for Trollstigen.

Årsaka er at det manglar tilstrekkelege sikringstiltak i fjellet, og at risikoen for at nokon kan bli trefte av stein, er for stor. Vegstrekninga er stengt grunna rasfare og fylkesordføraren meiner staten må bidra meir.

– Regjeringa må sjå alvoret med Trollstigen når det gjeld reiselivsnæringa. Eg håper staten tek ei ny vurdering, seier Riise til NRK Møre og Romsdal.

Onsdag kjem samferdselsminister Jon-Ivar Nygård (Ap) til Rauma og skal mellom anna møte representantar frå fylkeskommunen og lokale styresmakter.

Fylkespolitikarane var måndag samla for å bli orientert om turistvegen mellom Fjord og Rauma kommunar. Frp ville at fylke skulle ta opp for å sette i gong rassikringsarbeid så raskt som råd.

KrF-representant og leiar i Nasjonal rassikringsgruppe, Randi Frisvoll, vil ha utgreiing om turistskatt kan vere med på å finansiere vedlikehaldet av Trollstigen. På kort sikt stiller Frisvoll seg òg bak Frp sitt forslag om hastelån

Publisert: 24.06.2024 14:28

Sist oppdatert: 24.06.2024 15:08

Mer om