NPK: 31. august kom fylkesutvalet i Møre og Romsdal med ei felles ytring om situasjonen i maritim næring.
Fylkesutvalet la fram ei liste på seks punkt i ytringa. Dei er bekymra for den maritime næringa, som er hardt ramma av oljeprisfall og koronapandemi. Dei peikar på at næringa vil mangle oppdrag dei neste åra, som følgje av dette.
Dei viser vidare til at næringa, representert ved GCE Blue Maritime, har foreslått ein grøn omstillingspakke på 2,5 milliardar kroner i året dei neste 4 åra. Møre og Romsdal fylkeskommune støttar dette forslaget, og meiner det er ei god investering som vil medverke til å behalde større delar av maritim industri i Noreg.
Det vil også medverke til at vi kan nå utsleppsmåla innan 2030, i samsvar med regjeringa sin handlingsplan for grøn skipsfart, skriv dei.
I tillegg peikar dei på at det må stillast krav til grøn framdrift for skip i Noreg. Dei vil at den grøne omstillingspakken bør innehalde tilskots- og låneordningar for klimavenleg ombygging av eksisterande skip i norsk økonomisk sone.
Vidare ber dei om at regjeringa må sette fylkeskommunane i stand til å halde fram med utskiftinga av ferjer og snøggbåtar til miljø- og klimavennlege alternativ, med tilstrekkelege ferjetilskot og målretta tiltak for grøn omstilling.
Til sist ber dei om at det bør etablerast ei vrakpantordning for å ta ut dei minst miljøvenlege skipa. Dei oppmodar òg til at gryteklare prosjekt innanfor offentleg eigde skip blir effektuert så snart råd er, og at dei skal byggjast ved norske verft.
Fylkesutvalet la fram ei liste på seks punkt i ytringa. Dei er bekymra for den maritime næringa, som er hardt ramma av oljeprisfall og koronapandemi. Dei peikar på at næringa vil mangle oppdrag dei neste åra, som følgje av dette.
Dei viser vidare til at næringa, representert ved GCE Blue Maritime, har foreslått ein grøn omstillingspakke på 2,5 milliardar kroner i året dei neste 4 åra. Møre og Romsdal fylkeskommune støttar dette forslaget, og meiner det er ei god investering som vil medverke til å behalde større delar av maritim industri i Noreg.
Det vil også medverke til at vi kan nå utsleppsmåla innan 2030, i samsvar med regjeringa sin handlingsplan for grøn skipsfart, skriv dei.
I tillegg peikar dei på at det må stillast krav til grøn framdrift for skip i Noreg. Dei vil at den grøne omstillingspakken bør innehalde tilskots- og låneordningar for klimavenleg ombygging av eksisterande skip i norsk økonomisk sone.
Vidare ber dei om at regjeringa må sette fylkeskommunane i stand til å halde fram med utskiftinga av ferjer og snøggbåtar til miljø- og klimavennlege alternativ, med tilstrekkelege ferjetilskot og målretta tiltak for grøn omstilling.
Til sist ber dei om at det bør etablerast ei vrakpantordning for å ta ut dei minst miljøvenlege skipa. Dei oppmodar òg til at gryteklare prosjekt innanfor offentleg eigde skip blir effektuert så snart råd er, og at dei skal byggjast ved norske verft.
Publisert: 01.09.2020 15:49
Sist oppdatert: 10.02.2021 15:25
