Betre mobildekning i Trollstigen

NPK: Betre mobildekning i og rundt Trollstigen har vore etterlyst lenge. Takka vere ny teknologi lovar Telia no full dekning frå neste sommar.
Utbygginga er ifylgje allereie i gang. Avisene fortel at Telia, som vann anbodet med å byggja ut mobildekninga i området, i sommar og haust skal byggja ei ny kommunikasjonsmast som får straum frå solceller og vindturbinar. Løysinga er ifylgje avisene den første i sitt slag i Noreg, og skal gje mobildekning langs heile strekninga frå Trollstigen til Valldal.
– Vi er svært stolte og gler oss til å kunna sørgja for full tale- og mobildatadekning langs denne strekninga, slik at alle som ferdast der kan gjera det i trygg forvissing om at dei kan bruka telefonen viss dei har behov for det, seier nettverksdirektør Kirke Saar i Telia Norge.
Han fortel at også naudnettet skal samlokaliserast til same masta.