(NPK-NTB): Fiskekjøpernes Forening meiner Lerøy utnyttar marknaden og klagar selskapet inn til Konkurransetilsynet, skriv Klassekampen.
Foreininga viser til at Lerøys landanlegg har gått med underskot i alle dei siste 25 åra utanom eitt, medan trålarane har svære overskot.
Leiar Steinar Eliassen meiner selskapet utnyttar situasjonen ved å kjøpe inn råstoff dyrt og selje ferdigvarer billeg.
Landanlegga skal ha gått 200 millionar kroner i minus i 2019.
– Hadde dette vore ein normal situasjon, måtte landanlegga innstilt drifta, og då kunne andre overteke. Det ville vore sunt for konkurransesituasjonen, noko det ikkje er i dag, seier Eliassen.
Han seier vidare at «vi andre fiskeindustrieiere trenger å tjene penger på land, noe Lerøy helt tydelig ikke behøver».
I klaga hevdar forbundet at Lerøy sel til kunstig låg pris, samtidig som dei held råvareprisen kunstig høg. Ei heller innfrir Lerøy leveringsplikta trålarar har, heiter det.
Klaga, som vart sendt inn for tre månader sidan, er til vurdering. Det er ifølgje seniorrådgivar Erlend Smedsdal i Konkurransetilsynet ikkje bestemt om ho skal behandlast eller ei.
«Vi oppfatter dette som en fortsettelse av mange års politisk påvirkningsarbeid fra Fiskekjøpernes Forening og Steinar Eliassen, hvor det slenges ut påstander knyttet til vår og for så vidt andre selskapers drift», skriv konserndirektør Webjørn Barstad for villfangst i Lerøy Seafood Group til Klassekampen.
Han legg til at fiskeristyresmaktene årleg kontrollerer at leveringsplikta er følgd, og at dette er dokumentert gjennom utgreiingar og meldingar til Stortinget.
(©NPK)
Foreininga viser til at Lerøys landanlegg har gått med underskot i alle dei siste 25 åra utanom eitt, medan trålarane har svære overskot.
Leiar Steinar Eliassen meiner selskapet utnyttar situasjonen ved å kjøpe inn råstoff dyrt og selje ferdigvarer billeg.
Landanlegga skal ha gått 200 millionar kroner i minus i 2019.
– Hadde dette vore ein normal situasjon, måtte landanlegga innstilt drifta, og då kunne andre overteke. Det ville vore sunt for konkurransesituasjonen, noko det ikkje er i dag, seier Eliassen.
Han seier vidare at «vi andre fiskeindustrieiere trenger å tjene penger på land, noe Lerøy helt tydelig ikke behøver».
I klaga hevdar forbundet at Lerøy sel til kunstig låg pris, samtidig som dei held råvareprisen kunstig høg. Ei heller innfrir Lerøy leveringsplikta trålarar har, heiter det.
Klaga, som vart sendt inn for tre månader sidan, er til vurdering. Det er ifølgje seniorrådgivar Erlend Smedsdal i Konkurransetilsynet ikkje bestemt om ho skal behandlast eller ei.
«Vi oppfatter dette som en fortsettelse av mange års politisk påvirkningsarbeid fra Fiskekjøpernes Forening og Steinar Eliassen, hvor det slenges ut påstander knyttet til vår og for så vidt andre selskapers drift», skriv konserndirektør Webjørn Barstad for villfangst i Lerøy Seafood Group til Klassekampen.
Han legg til at fiskeristyresmaktene årleg kontrollerer at leveringsplikta er følgd, og at dette er dokumentert gjennom utgreiingar og meldingar til Stortinget.
(©NPK)
Publisert: 02.07.2020 08:19
Sist oppdatert: 10.02.2021 15:26
