Den norske krona blir svekt

Kronekursen blir ytterlegare svekt, og i mai vil truleg éin euro koste 12 kroner.

Svekkinga av kronekursen kjem etter at Noregs Bank kunngjorde at kronesalet blir kutta med ytterlegare 100 millionar kroner til 1,4 milliardar kroner per dag i mai.

– Eit så stort kronesal som vi har hatt det siste året og vil ha i mai, vil truleg bidra til ei endå svakare kroner, seier Dane Cekov i Nordea Markets.

Han spår at éin euro vil koste 12 kroner i mai.

– Men ein endå høgare kurs kan vi ikkje sjå bort frå, seier han.

I april vart kronesalet nedjustert med 200 millionar til 1,5 milliardar kroner per dag, ifølgje E24.

Krona har svekt seg stort mot både euro og dollar det siste året. Dermed kostar det meir å handle frå og reise i landa som bruker desse valutaene.

Noregs Banks kronesal (veksling) skjer for å kunne overføre utanlandsk valuta til oljefondet, som investerer i utlandet på oppdrag for Finansdepartementet.

Krona svekte seg snarleg mot både euro og dollar etter kunngjeringa frå Noregs Bank. Sjeføkonom Bjørn Roger Wilhelmsen i Nordkinn Asset Management påpeikar at nedgangen i kronesalet var mindre enn venta.

– Det første eg tenkte var at krona styrkjer seg ikkje på dette. Ho vil svekkjast vidare, seier han til E24.