Fall i industriproduksjonen

(NPK-NTB): Industriomsetninga fall med 3,8 prosent i perioden mai-juli 2020 samanlikna med dei tre månadene før, viser sesongjusterte tal frå SSB.
Frå juni til juli var det ein nedgang på 1 prosent for industrien samla sett.
Det var næringa oljeraffinering, kjemisk og farmasøytisk industri som trekte omsetninga mest ned, med ein nedgang på 11 prosent, opplyser (SSB).
Også bygginga av skip og oljeplattformer bidrog negativt med lågare omsetning i perioden. Nedgangen i denne næringa var på 14 prosent samanlikna med førre tremånadersperiode.
Samtidig bidrog næringsmiddelindustrien til ein auke i industriproduksjonen på 1,8 prosent frå juni til juli i år, ifølgje sesongjusterte tal. Frå mai til juli viste likevel den samla produksjonen ein nedgang på 4,2 prosent samanlikna med førre tre månader.
Nedgangen må sjåast i samanheng med koronapandemien som har prega aktiviteten i industrien sidan midten av mars, skriv SSB.
(©NPK)