Fleirtal ventar økonominedtur

NPK-NTB: To av tre nordmenn trur ikkje næringslivet kjem tilbake til normal aktivitet i år, og mange ventar ein auke i talet på konkursar framover.
Det kjem fram i undersøkinga frå Opinion, der 4.500 nordmenn har svart.
Berre 18 prosent trur på normal aktivitet i år, medan 67 prosent ikkje trur på dette.
1.000 nordmenn er spurde om kva dei trur om utviklinga i talet på konkursar i næringslivet det neste halve året, og 69 prosent ventar ein auke. 10 prosent trur på nedgang i talet på konkursar, medan 16 prosent trur på eit uendra tal.
Innbyggjarar på Austlandet, følgt av Nord-Noreg og Vestlandet, ventar i størst grad auka tal på konkursar.