Friskule så vidt i pluss

Den foreldredrivne skulen held til i Brandal, og er eit gratistilbod. I tillegg har ein dagleg skulefritidsordning mot betaling.

I 2022 enda resultatet så vidt i pluss med 83.763 kroner. Året før var resultatet før skatt vel 0,7 millionar kroner, og ein må tilbake til 2016 for å finne minustal.

Av inntektene på 5,5 millionar kroner er nesten 5,4 millionar offentlege tilskot frå Utdanningsdirektoratet.

Skulen har ti tilsette fordelt på 6,6 årsverk.

Samla eigenkapital er på 3,1 millionar kroner, og det er ikkje langsiktig gjeld.