Fryktar mannefall i bygg og anlegg

NPK-NTB: Ein analyse antydar at bygg- og anleggsbransjen sannsynlegvis blir treft av koronaeffekten først i haust og vinter. Det kan betyr 100.000 tapte årsverk.
Ein analyse utarbeidd av Menon Economics på oppdrag frå Entreprenørforeningen Bygg og Anlegg (EBA) og NHO-forbundet NELFO viser at det er sannsynleg at det største fallet enno ikkje er kome for næringa, skriv .
– Uvissa er større enn ho har vore nokon gong. Investeringsnedgangen svarer til eit bortfall av nesten 100.000 årsverk. Det er dramatisk, seier administrerande direktør Kari Sandberg i EBA til E24.
Dei anslår at bygg- og anleggsnæringa vil oppleve ein samla investeringsnedgang på mellom 100 og 140 milliardar kroner mellom 2020 og 2022, samanlikna med 2019-nivået.
Og dei trur at fallet vil komme i haust, og vere sterkast i 2021. Årsaka til at bransjen får ein forseinka effekt, er at byggeprosjekt ofte tek lang tid, og at investeringsviljen i både det offentlege og private blir påverka av uvissa.
Bygg- og anleggsnæringa er Noregs nest største næring, etter olje- og gass, og sysselset i dag rundt 350.000 personar.
Sjølv om det er venta at investeringane i staten vil auke, så vil ikkje dette kompensere for milliardfallet, ifølgje Menon Economics.