Første nybygg til Green Yard Kleven

Skroget til Green Yard Kleven sitt første nybygg kom i helga fram til verftet. Tidlegare er det opplyst at skipet som er designa av Marina Teknikk, skal leverast i løpet av 2026.

«Verftet er godt forberedt og klare for videre utrustning», skriv Green Yard Kleven på Linkedin.

Skipet er tinga av det rumenske energiselskapet OMV Petrom. Nybygget blei annonsert i november 2024, og namnet på konstruksjonsskipet blir «Elisa». Det skal ut i arbeid i energisektoren i Svartehavet.

Skipet er designa av Marin Teknikk i Herøy. Marin Teknikk-sjef Svein-Rune Gjerde fekk ideen til skipet allereie i 2006. 

Nybygget er eit avansert feltstøttefartøy for operasjonar og vil vere skreddarsydd for vindkraftindustrien. Det kan vere base for teknikarar, gjere lettare vedlikehald-, inspeksjon- og reparasjonsoppdrag, i tillegg til å frakte folk og forsyningar.