Glamox i vekst – og minus

Glamox-konsernet fekk rekordhøge inntekter i andre kvartal og enda på 1.060 millionar i omsetning. Det opplyser eigarane i GLX Holding i ei melding torsdag.

Glamox-sjef Astrid Simonsen Joos uttaler at dei har lagt bak seg eit halvår med god vekst, trass makroøkonomisk usikkerheit.

Inntektsauken på drygt 17 prosent kjem mellom anna som følgje av sterk vekst i marine-, offshore- og vindkraftdivisjonen. Omsetningsauken her var på nær 40 prosent.

Den andre delen av verksemda er byggdivisjonen som hadde ein vekst på drygt 10 prosent.

Lønnsemda vart samtidig svekka samanlikna med same kvartal i fjor, og resultat før skatt enda med minus 1,2 millionar kroner.

Tala for første halvår viser samtidig at lønnsemda så langt i år er betydeleg betre samanlikna med 2022 (sjå tabell under).

GLX Holding er eit selskap eigd av investeringsselskapet Triton for å eige Triton sin aksjepost på eig 76,17 prosent i Glamox-konsernet. GLK Holding konsoliderer heile Glamox-konsernet inn i sitt rekneskap

Glamox har hovudkontor i Oslo, men har både røtene og ei stor verksemd i Molde.