Nytt toppår før camping-sal

Campingplassen på Flø i Ulstein har med få og små unntak alltid gått med overskot. 

Frå og med 2023 har lønsemda løfta seg til svært god, og 2025 er det tredje året på rad med høg lønsemd.

Omsetninga bikka også to millionar for andre gong i løpet av fjoråret, viser rekneskapen som blei offentleg tysdag (sjå tabell under).

I år har ekteparet Maria og Olav Worren og Inge Eidem kjøpt campingplassen, og satsar på heilårsdrift. 

Flø Feriesenter har åtte store campinghytter og plass til 30 bobilar og telt til saman.