Gründer rørt over næringspris

Lars Oscar Øvstegård blir tildelt Næringsprisen 2024 i Ørsta og var rørt då lokalavisa Møre-Nytt tok kontakt for å fortelje nyheita. 

– Eg har alltid brent for næring. Eg er skikkeleg rørt, utruleg takksam og tatt på senga, seier han til avisa. 

Prisvinnaren driv med næringseigedom og har jobba i fleire år med å førebu eit søksmål mot staten for å fjerne formuesskatt på arbeidande kapital. 

Gjennom kronerulling og hjelp frå støttespelarar er han budd til å ta kampen i rettsapparatet. Næringsprisen blir delt ut i kommunestyremøtet i desember og det følgjer med 20.000 kroner.