Hofseth-anlegg må slakte all fisken

(NPK-NTB): Det er påvist bakteriell nyresjuke ved eit oppdrettsanlegg for laks og regnbogeaure i Sykkylven i Møre og Romsdal, opplyser Mattilsynet.

Det er ikkje kjent korleis smitten har komme inn i anlegget, skriv NRK.

Sjukdommen kan gi utståande auge, væske i buken, lokal vevsdød og pussfylte lommer i indre organ hos vaksen fisk og plutseleg død utan synlege forandringar hos yngel.

Mattilsynet har vedteke at all fisken ved anlegget må slaktast innan 15. september 2024.

For å avgrense smittespreiing har anlegget fått restriksjonar, mellom anna med forbod mot flytting av fisk, rogn og fiskesæd. Unntaket er transport til slakteri.

Oppdrettsanlegget ligg ved Bugane i Sykkylven, og det er Hofseth Sea Farming As og Ewos Innovation As som driv med oppdrett av laks og regnbogeaure der.

(©NPK)