Kinoane jublar over «fantastiske» julital

(NPK-NTB) : 2023 er den største norske blockbuster-sommaren sidan 2009. Det melder Film & Kino (F & K).

Ifølgje bransjeorganisasjonen selde norske kinoar 1.245.566 billettar førre månad. Vi må tilbake til 2009 for å finne betre julisal.

– Dette er heilt fantastiske tal, seier F & K-direktør Espen L. Pedersen i ei pressemelding.

– Juli 2023 går inn som den nest beste julimånaden nokosinne. Det er også den beste månaden totalt vi har hatt på kino på nesten to år.

Til samanlikning vart det selt 838.600 billettar i juli 2022 og 928.620 i juli 2019, det siste «normalåret» før pandemien.

Pedersen peikar på «Barbie» og «Oppenheimer» som dei store trekkplastera i sommar.

For 14 år sidan var det Hollywood-forgjengarane «Istid 3» og «Harry Potter» som regjerte lerretet.

(©NPK)