Konkurs for restaurantselskap

Sogn og Fjordane tingrett har opna konkurs i selskapet Storm på Stad etter at det er meldt oppbod.

Firmaet som blei starta i 2020, har drive Vestkapp Restaurant i Stad kommune.  

Omsetninga har svinga frå nær tre millionar til under to millionar i 2023. 

Rekneskapane har vist minusresultat frå starten utanom i 2023, då resultatet gjekk tilnærma i balanse. Det er skote inn meir eigenkapitalen, men denne er tapt. 

Ifølgje rettspapira har selskapet opparbeida seg ei gjeld på krig 1,2 millionar og har verdiar for kring 560.000 kroner, ifølgje Sunnmørsposten som omtala konkursen først. 

Bustyrar er Endre Rutledal og første skiftesamling er planlagt 14. februar. 

Eigedomen på Vestkapp er eigd av selskapet Vestkapp Holding, som i hovudsak har andre eigarar enn restaurantselskapet.