Får setje opp to hytter på Vestkapp

Det seier dagleg leiar Kristina Leknesund Myrseth ved restauranten på Vestkapp.

Det er snakk om to hytter frå Gloppa hytter på Sandane.

- Dette er hytter som kan monterast opp til sommarsesongen startar, og så demonterast til vintersesongen.

- 12. juni er vi klare til å starte utleige. Dei som bur her vil få ei fantastisk oppleving, seier Leknesund Myrseth.

Godt forankra
Ho forsikrar at hyttene kjem til å verte godt bolta faste i berget.

- Ja, ingen treng frykte at dei vil hamne ute ved Bukketjuvane.

Selskapet Storm ved Stad har i første omgang fått løyve av kommunen å ha hyttene oppsette i to sesongar.

- Det er ein god start, seier Leknesund Myrseth.

Parkeringsavgift for bussar
Ho fortel om godt besøk hittil i år.

- Men vi er nok den mest vêrutsette serveringsstaden i landet. I godt vêr er det fullt trykk, i dårleg vêr labert.

Ho har no innført parkeringsavgift for bussar som kjem med cruiseturistar.

- Vi taper på cruiseturistane. Bussane fyller opp parkeringa, og gjestane til restauranten finn ingen stad å parkere.

- Nokre buss-selskap har starta å betale, andre ikkje. Slik kan vi ikkje ha det, seier Kristina Leknesund Myrseth.