Korona har krympa formuen til Noregs rikaste

(NPK-NTB): Magasinet Kapitals årlege liste over Noregs 400 rikaste viser at mange av dei største formuane har krympa på grunn av koronakrisa, men nokon har òg auka.
Ifølgje lista er John Fredriksen Noregs rikaste, følgd av Odd Reitan og Johan Johannson som begge eig kvart sitt matvarekonsern. Formuane til begge dei to sistnemnde har auka det siste året, ifølgje Kapital, som understrekar at lista ikkje er nokon fasit.
Blant dei som er hardt ramma av koronakrisa, er elvecruisekongen Torstein Hagen i Viking Cruises. I fjor vart Hagen rangert som Noregs nest rikaste med ein formue på 60 milliardar kroner, men sidan utbrotet til pandemien har den vorte redusert med rundt 40 milliardar kroner, ifølgje Kapital.
Petter Stordalens formue, med mellom anna Nordic Choice Hotels, Hurtigruten og Ving, har krympa med over 10 milliardar kroner. Hotellkongen innrømmer overfor magasinet at det er det gode forholdet hans til hovudbanksambandet DNB som har redda han.
Kapital verdset formuane til dei rikaste i landet mykje høgare enn kva som står i skattelistene. Ifølgje skattelistene er dei mest formuande gode for 316 milliardar kroner, medan Kapital meiner dei reelle formuane deira er rundt fire gonger så høge.

Dette er Noreges ti rikaste i 2020:

Formuen i 2019 i parentes.
1. John Fredriksen (76): 104 milliardar kroner (114 milliardar)
2. Odd Reitan (69): 44,5 milliardar (42,4 milliardar)
3. Johan Johannson (53): 44 milliardar (40 milliardar)
4. Ole A. Halvorsen (59): 43 milliardar (33,7 milliardar)
5. Johan H. Andresen (59): 35 milliardar (33 milliardar)
6. Gustav Witzøe (67): 33,5 milliardar (29,8 milliardar)
7. Stein Erik Hagen (64): 33 milliardar (28 milliardar)
8. Ivar Erik Tollefsen (59): 29 milliardar (23 milliardar)
9. Kjell Inge Røkke (61): 27,5 milliardar (35,5 milliardar)
10. Torstein Hagen (77): 20 milliardar (60 milliardar)
(Kilde: Kapital)
(©NPK)