Krappe svingar gir færre ulykker

NPK-NTB: Vegar med mange krappe svingar kan vere blant årsakene til at det er få ulykker på norske vegar, viser forsking.
Krappe svingar kan isolert sett føre til fleire ulykker, men veg med mange krappe svingar etter kvarandre kan likevel vere sikrare enn veg der det er lenger mellom svingane, viser ny forsking skriv Aftenposten.
– Dei mange kurvene vi finn på norske vegar kan vere ein grunn til at trafikktryggleiken er så god som han er i Noreg, skriv forskar Rune Elvik i Transportøkonomisk institutt på nettstaden Samferdsel.
Årsaka er at sjåførar tilpassar farten etter korleis vegen er forma ut. Jo lenger det er mellom kurvene, desto meir aukar ulykkene. Har vegen mange kurver, er føraren førebudd på det og avpassar farten deretter.
I Trygg Trafikk støttar dei forskinga og seier utrekningane òg samsvarer med faglege erfaringar frå vegnettet.
– Likevel må vi skilje mellom ulike typar vegnett for at dette skal halde vatn. Ein firefelts motorveg har vesentleg lågare ulykkesrisiko enn ein svingete fylkesveg, seier seniorrådgivar Bård Morten Johansen i Trygg Trafikk.