Bygningsmasssen i Runde Panorama omfattar ni hytter med havutsikt og bygget som husa Christineborg Gjestehus like ved hyttene. Selskapet melde oppbod i starten av januar, med 33,5 millionar kroner i gjeld.
Rett etter konkursopning sa bustyrar Jørund Knardal at han og Sparebanken Møre - som har pant i omlag alt av verdi - var samde om at målet var å selje alle bygg og eigedom samla.
Les også
20 og 21 millionar
No har han fått inn to bod, eitt på 20 og eitt på 21 millionar kroner. Begge gjeld alt Runde Panorama eigde.
Knardal presiserer at det ikkje er klart om ein av bodgivarane får tilslaget. Det er er opp til banken.
– Buet samarbeider tett med banken som panthavar, og banken må godkjenne bofet, skriv han i ei tekstmelding til Nett No.
To år i minus
45 millionar har Arnulf Goksøyr og partnarane satsa på luksushytter på Runde. No manglar kun gjestane, skreiv Nett No i slutten av 2022.
Til saman hadde selskapet 0,9 millionar kroner i driftsinntekt og minus 9,6 millionar i resultat før skatt i åra 2023 og 2024.
Publisert: 28.01.2026 14:55
Sist oppdatert: 29.01.2026 10:47
