Lausund åtvarar mot byggestopp

Omkampar om Ålesund og Sula sitt felles reinseanlegg kan få store konsekvensar langt utover desse kommunane, meiner aktørar i byggebransjen, ifølge Sunnmørsposten.

– Ein byggestopp i Ålesund og Sula i eitt år, med alle prosjekt som vil bli stoppa og konsekvensane av det, kan koste det dobbelte av reinseanlegget. Altså rundt fire milliardar kroner, seier Mostein-sjef Steinar Lausund til avisa.

Han påpeiker at talet er hans eige estimat, men nøler ikkje med å kalle situasjonen ei krise og meiner byggenæringa i heile fylket står i fare for å bli rasert.

Ålesund har hatt byggestopp sidan i vår, medan det same har i praksis vore tilfelle i Sula sidan starten av året.

Årsaka er at reinseløysingane i kommunane per no ikkje gode nok. Det er planar om å bygge nytt reinseanlegg på Kongshaugen i Sula med ein anslått prislapp på to milliardar.