Massedød då geitefjøs kollapsa

Tre personar fekk helsehjelp.

Brannvesenet opplyser på Twitter at 73 geiter av til saman 250 dyr døde i hendinga. Brannvesenet byrja då å bli ferdige med arbeidet på staden.

Både veterinær og brannmannskap frå Eidsdal og Geiranger vart send til staden. Svært mange har drukna og er døde, fortalde operasjonsleiar Leif Arne Mork i Møre og Romsdal politidistrikt til NTB.

Brannvesenet opplyste litt seinare at rundt 100 dyr var i tryggleik i geitefjøset. Det var då godt ventilert, og attlevande dyr ikkje i vidare fare.

Tre personar har fått helsehjelp, skriv Sunnmørsposten.

Ein person fekk pusteproblem som følgje av eksponering av gass i gjødselkjellaren. Det vart derfor tilkalla luftambulanse til staden. Ytterlege to personar vart sende til legevakt etter å ha fått i seg gass.

Skadeomfanget er ikkje kjent.

Også ein politipatrulje vart send til staden.

– Vi skal snakke med bonden, og så får vi ta ei vurdering på om dette blir ei politisak, seier Mork.