Meiner norske styresmakter opptrer umoralsk

Samtidig som norske produsentar blir råka hardt av Russland-sanksjonar, nyttar norske styresmakter leverandørar frå land som Tyrkia eller Kina som ikkje har innført sanksjonar.

Det fortel Vik Ørsta-sjef Kjetil Nesset til Møre-Nytt.

Bedrifta har dei siste åra vore nøydd til å handtere auka kostnader og spesielt knytt til innkjøp av stål, grunna sanksjonane mot Russland. 

– Det umoralske her er at norske offentlege myndigheiter, stat, fylke og kommune kjøper stålprodukt frå land som ikkje sanksjonerer for eksempel Kina, seier han. 

Nesset meiner det både undergrev verdiskapinga i norsk næringsliv og effekten av sanksjonane.