Må flyge med tomme midtsete

NPK-NTB: Det skal vere eitt tomt sete mellom kvar passasjer i sideretninga på norske fly i tida framover.
Det kjem fram i ein rettleiar frå Helsedirektoratet med smittevernråd for luftfarten som er utgitt i samarbeid med Folkehelseinstituttet.
– I flykabinen er det god utskifting og filtrering av lufta, og det er mogleg å avgrense kontakten mellom tilsette og passasjerar. Derfor kan den generelle tilrådinga til helsestyresmaktene om minst ein meters avstand mellom personar blir fråviken. Eitt tomt sete mellom kvar passasjer gir tilstrekkeleg avstand, og det same gjer midtgangen, heiter det i rettleiaren.
Overordna blir passasjerar og tilsette bede om følgje dei generelle råda om hand- og hostehygiene, og alle som er sjuke må halde seg heime.
Flyselskapa blir òg bedne om å sørgje for god tid til å fylle opp og tømme fly.
– I eit langstrekt land som Noreg er luftfarten ein viktig del av transporttilbodet. Det skal vere trygt å reise med fly, og både reisande og tilsette skal føle seg trygge for smitte både i lufta og på bakken, seier samferdselsminister Knut Arild Hareide (KrF).