Møre og Romsdal mistar stortingsmandat

(NPK-NTB): I fordelinga av stortingsmandat for dei neste åtte åra mistar valdistrikta Buskerud, Oppland og Møre og Romsdal eitt mandat kvar.
Oppland går frå sju til seks mandat, Buskerud går frå ni til åtte mandat, det gjer òg Møre og Romsdal.
På den andre sida har Oslo og Akershus fått fleire stortingsmandat i den nye mandatfordelinga. Akershus får to nye, og går med det frå 17 til 19 mandat. Oslo får eitt nytt mandat og får dermed 20 stortingsmandat totalt.
– Oslo og Akershus har hatt stor folkeauke sidan sist mandatfordeling. Det er derfor desse valdistrikta har fått fleire mandat, heiter det i ei pressemelding frå Kommunal- og moderniseringsdepartementet.
Dei gamle fylka er framleis valkretsar i stortingsvalet hausten 2021.
(©NPK)