Norges Bank lover små endringer

NPK-NTB: Regjeringas nye forskrift klargjer mandatet for pengepolitikken og vil neppe føre til store forandringar, ifølgje sentralbanksjefen.
Fredag vart det klart at det norske inflasjonsmålet i pengepolitikken blir sett ned frå 2,5 til 2 prosent.
– Den nye forskrifta klargjer mandatet for pengepolitikken og underbyggjer den fleksible praktiseringa av inflasjonsstyringa. Slik Noregs Bank vurderer det, vil den nye forskrifta ikkje føre til vesentlege endringar i utøvinga av pengepolitikken, seier sentralbanksjef Øystein Olsen i ein kommentar.
Sentralbanken kommenterte endringane i eit brev til Finansdepartementet 28. februar.
Etter Norges Banks vurdering har rammeverket for pengepolitikken fungert godt. Prisveksten har vore låg og stabil, og ei fleksibel praktisering av inflasjonsstyringa har bidratt til å dempe utslaga i produksjon og sysselsetting, heiter det i ei pressemelding.
Sentralbanken vil gjere nærmare greie for utsiktene i pengepolitikken i samband med sitt neste rentemøte 15. mars. Då blir nemleg den første pengepolitiske rapporten i år lagt fram.