Ny lokal hurtigbåtrute?

Turen er planlagt laurdag 26. august med tur/retur:

Åheim – Sandvik – Åram – Eggesbønes – Ulsteinvik – Ålesund

MS Godøy

, drifta av Boreal, med plass til 296 passasjerar* er innleigd til turen.
Målsettinga for turen er å synleggjere mulighetene for ei lokal hurtigbåtrute i høve bygging og realisering av Stad Skipstunnel. Dei ynskjer ei brei oppslutning frå lokalt næringsliv og politikarar i området til å bli med på turen.
Representantar for Visit Nordfjord og Destinasjon Ålesund og Sunnmøre vært også med.
Turen startar på Åheim og går innom Sandvika på Stadlandet, Åram, Eggesbønes, Ulsteinvik og til slutt Valderøy/Ålesund.
Ved å legge opp ruta slik, med anløp i dei tette folkesette områda i Herøy og Ulstein, vil sjansane til å få til drift av ei hurtigbåtrute Vestkapp – Ålesund være til stades.
Vanylven Utvikling as står som arrangør av turen og selskapet har saman med synergigruppene for Selje, Vågsøy og Vanylven, i forbindelse med realisering av Stad skipstunnel, arbeidt for å få til eit tilbod med hurtigbåtsamband.
Det er lagt opp til liggetid i Ålesund (3 timar) der det vert høve til bl.a. organisert guida tur til Fjellstua m.m.