Ny satsing skal fremja grøn eksport

(NPK): Innovasjon Noreg skal saman med næringslivet samarbeida om å få til auka eksport av smarte norske klima- og miljøløysingar.
- Satsinga skal bidra til å marknadsføra norske løysingar som kan ta verda og Noreg mot lågutsleppssamfunnet. Målet er å inspirera og motivera næringsliv heime og ute til å investera i norske løysingar, seier statsminister Erna Solberg.
Den norske satsinga er inspirert av ei liknande ordning i Danmark. Her i landet er det Innovasjon Noreg som få oppdraget med å setja i gang tiltaket. Det skal skje i samarbeid med privat næringsliv.
– Internasjonalt ser vi ei rask teknologisk utvikling innan lågutsleppsteknologi. Noreg har gode føresetnader for å ta del i denne veksande marknaden. Vi må tenkja grønare, smartare og meir nyskapande for å lykkast med omstillinga vi er inne i, seier klima- og miljøminister Vidar Helgesen.