Ny statsråd besøker maritim bransje

Fiskeri- og havminister Cecilie Myrseth (Ap) besøkjer Ålesund tysdag 7. november. Då står mellom anna Verftskonferansen, Kystverket og Ålesund Kunnskapspark på programmet.

– Eg gler meg til å besøkje Ålesund igjen. Verftskonferansen er ein stor og viktig møteplass for maritim næring. Eg er oppteken av å bli kjent med utfordringane og moglegheitene i næringa, og vil nytte høvet til å møte så mange aktørar som mogleg, seier fiskeri- og havminister Cecilie Myrseth i ei pressemelding.

Før konferansen skal ho møte Maritim Bransjeforening, og etter konferansen besøkjer statsråden hovudkontoret til Kystverket og stasjonskontoret på Nørve, før turen går til innovasjonsselskapet Ålesund Kunnskapspark (ÅKP).

(©NPK)