Ode prutar på rømmingsbot

Torskeoppdrettsselskapet Ode meiner det er urimeleg at dei skal betale 891.816 kroner i gebyr etter at 87.000 torsk rømde frå anlegg i Voldsfjorden. 

Det skriv Sunnmørsposten. 

Den store torskerømminga skjedde ved Alida-anlegget for to år sidan. 

Fiskeridirektoratet har no varsla eit overtredelsesgebyr som selskapet har hatt høve til å kommentere. 

Ode meiner i utgangspunktet at dei bør sleppe å betale gebyr, og at beløpet på nær 900.000 kroner er altfor høgt. 

Dei viser både til at det er sett i verk ein rekke tiltak som skal hindre nye rømmingar, og at gebyret utgjer kring 14 prosent av driftsinntektene til selskapet det året.