Optimist etter Barcelona-messe

Rufo i Hovdebygda har spesialisert seg på transportkasser, spesielt for kulturbransjen.

Etter å ha deltatt på lyd- og lysmessa i Barcelona er dagleg leiar og medeigar Knut Steinnes optimistisk til at selskapet skal vinne innpass i utlandet.

- Potensielle kundar og distributørar frå 33 land besøkte messestanden, og vi har akkurat kome heim med over 100 lovande leads. No startar arbeidet med internasjonalisering, seier han i ei pressemelding.

Ørsta-selskapet fekk støtte frå Innovasjon Noreg til å delta på Barcelonamessa og Innovasjon Noreg skal også hjelpe Rufo i arbeidet med å bli ei eksportbedrift.