Pangstart på silda for Ålesund-båt

Sildefisket i nord er i full gang og «Fiskeskjer» frå Ålesund fekk ein pangstart med fangst på 1.220 tonn søndag, skriv Sunnmørsposten. 

Fem-seks båtar har vore i sving på feltet saman med Ålesund-båten. Fiske går føre seg i Kvænangen i Troms, som er same området som hovudbestanden av norsk vårgytande sild overvintra i fjor. 

– Det blir spennande å sjå korleis dette utviklar seg framover, når det kjem nye årsklasser inn. Vi får håpe silda byrjar å gyte lenger sør, seier styrmann Einar Finnøy til avisa.