Rekord for norske hotellovernattingar

(NPK-NTB): Tal frå SSB viser at det var nesten 2 millionar norske hotellovernattingar i juni i år, ein auke på 6,4 prosent frå juni i fjor.

SSB har registrert 1.990.167 norske hotellovernattingar i juni i år. Det er det høgaste talet registrert dei siste sju åra.

Totalt vart det registrert 2,8 millionar hotellovernattingar i juni i år, ein auke på 4,6 prosent frå juni i 2023. Dei utanlandske hotellovernattingane auka med 0,7 prosent, til 838.000.

– Svak krone, kombinert med reiseglade nordmenn og utlendingar, har gitt hotellnæringa ein god start på sommaren. Den svake krona kan også ha bidrege til at nordmenn har starta ferien innanlands, seier rådgivar Boyd Oyier i SSB.

Han påpeikar også at fleire opne hotell kan vere ei årsak til auken.

– Nokre hotell er nye, medan andre som har vore brukt som mottakshotell for flyktningar, no er i vanleg drift igjen, seier Oyier.

(©NPK)