Rekordmange overnattingar i mai

(NPK-NTB): Det var heile 3,1 millionar overnattingar ved kommersielle overnattingsbedrifter i Noreg i mai. Aldri før har det vorte målt fleire overnattingar i mai månad.

– I mai i år var vêret veldig bra, noko som i kombinasjon med mange fridagar kan ha ført til at fleire valde å overnatte på hotell, campingplassar, hyttegrender og vandrarheimar samanlikna med i fjor, seier rådgivar Boyd Oyier i Statistisk sentralbyrå (SSB).

Det var 192.000 fleire overnattingar – eller 6,6 prosent – meir enn i same månad i mai 2023.

Størst vekst var det i Nordland og Møre og Romsdal, der talet på overnattingar auka med 22 prosent. I Vestfold, Agder og Buskerud var det ein nedgang på høvesvis 13, 7,1 og 2,4 prosent, medan i dei fleste fylke var det auke.

Når det gjeld overnattingstype, var veksten størst ved campingplassane, som hadde ein auke i talet på overnattingar på 8,5 prosent.

(©NPK)